07.09.2016: 6 von 6 Punkten für Fahrschule Daniel Stillhart aus Jona
"Bewertig vom Dani..
Hm gueti Frag was schribt me da ine..:-)
De Dani isch sehr geduldig, sicher wiä ers ekläre cha dases jede verstaht und bringt mit sinere Art einen zur Rueh au wenn me mal hektisch daher chumt.
Er lieferet einem ned vorgfertigti Antworte sondern versuecht einen dazue z bringe d Antwort sälber zgfinde (de blibts der au eher im Chopf).
Er bringt Humor mit und nimmt ned alles todernst wo me mängisch villicht ohni nah z denke uselaht.
Set sich während de Fahrstund mal e andere Autofahrer über einen ufrege oder bim Parkiere de Platz chlaue (Trotz Blinker so erläbt) isch er au dejenig wo usem Auto stigt und zu dem hanegaht.
Er gwöhnt einen au ab während de Fahrstunde z flueche so das mers sich zumindescht a de Prüfige verkneife chan (was spöter isch cha er ja de au nüm beiflusse).
Zur Prüfig meldet er einen a wenn er überzoge isch dasd Prüfig au bestahsch,bzw. wenn er weiss da muen scho öpis ganz schief gah dases ned klappet.
Prüfig trotz liächter Panik bim erste Mal bestande!
(Und da de na z Pfäffike.. :-) )
Churz um gseit de Dani isch eifach GENIAL.
Er unterstützt einen wo er nur cha und dafür binem mega dankbar.
Liäbs Grüässli
Manu
"