11.08.2021: 6 von 6 Punkten für Fahrschule Angelli aus Oberentfelden
"De Dudu isch Fahrlehrer mit Leib und Seele da längt es 6 i de Bewertig noned will er isch eifach s 10i das isch sini Beruefig, das merkt mir bi jeder einzelne Stund mit ihm. Wenn ihr no en professionelle Fahrlehrer suechet, denne het euichi Suechi jetzt es Ändi, denne no en herzlichere Mensch wie de Dudu finde dir ned. Er het en riiiisig grossi Menschekenntnis und cha scho nach de erste Fahrstund säge, du hesch en grosse Wille und de nötige Biss dezue für die Prüeffig z mache aber du trausch es dir ned zue und dete dra müend mir schaffe. Und da han ich gwüsst ich bin bim richtige Fahrlehrer. Er got genau uf dich i, passt sis Programm dine Bedürfnis a, er erklärt dir d Sache au nachem 100 Mol säge no ruhig und verständnisvoll. Wie zum Bispiel s richtige schöne Ispure oder en schöni Blickfüehrig. Das blibt mir no lang i de Ohre 1...2...3... :-) mer cha dem au pinggelig säge aber das bruchts für uf die stränge Experte guet vorbereitet zsi und uf alle erdänkliichi Situatione. Wenn mers mol so richtig verkackt het und das han ich es paar mol :-) denn schreit er ned umenand wie das velech anderi wörde mache, sondern versucht dich weder ufzbaue und z pushe, dass es nomol versuechsch. Er holt würkli alles us dir use und motiviert dich mit ere riesig grosse Geduld au immer weder neu bis du am Schluss perfekt uf d Prüefig vorbereitet bisch. Denne muess mer eigentlich de nur no ned dure dreie vor Nervosität aber sogar denne chan er dich beruhige mit sinere coole Art und sine Sprüch lenkt er dich schnell ab. Dudu du bisch eifach de Beschti und ich bin dir unendlich dankbar han ich so vell cooli lustigi sehr lehrichi Stunde dörfe mit dir verbringe. Da chan mer würkli säge ich han bim Meister glernt drum han ich au bim erste mol grad bestande. Du bisch mir richtig as Herz gwachse mach witer so :-)"